बारा वर्षांपासून गोंदिया जिल्ह्यातील प्राथमिक शिक्षकांची रखडलेल्या पदोन्नतीचा मार्ग मोकळा.

* बारा वर्षांपासून गोंदिया जिल्ह्यातील प्राथमिक शिक्षकांची रखडलेल्या पदोन्नतीचा मार्ग मोकळा. महाराष्ट्र राज्य प्राथमिक शिक्षक संघाच्या प्रयत्नाला यश.

*महाराष्ट्र राज्य प्राथमिक शिक्षक संघाच्या निवेदनानुसार जिल्हा परिषद अध्यक्ष पंकजभाऊ रहांगडाले यांचा पुढाकार तथा आमदार विजयभाऊ रहांगडाले यांचे सहकार्य.

* विस्तार अधिकारी,केंद्रप्रमुख व मुख्याध्यापक पदोन्नतीचा तात्काळ करणार – जि.प.अध्यक्ष मा. पंकजजी रहांगडाले यांचे प्रतिपादन.

* प्राथमिक शिक्षकांचे चटोपाध्याय व निवड श्रेणीचे आदेश तात्काळ काढा,मा.आमदार विजयभाऊ रहांगडाले.
महाराष्ट्र राज्य प्राथमिक शिक्षक संघ गोंदियाच्या शिष्टमंडळाला आंदोलनाच्या पार्श्वभूमीवर चर्चेकरीता पाचारण; आंतर जिल्हा बदलीने आलेल्या शिक्षकांना लवकरच आगाऊ वेतनवाढ देण्यासंदर्भात आदेश.

गोंदिया: 6/1/2024- गोंदिया जिल्ह्यात अनेक वर्षापासून प्रलंबित असलेल्या प्राथमिक शिक्षकांच्या समस्या साठी शिक्षक समस्या संबंधाने दिनांक 2 जानेवारी ला निवेदन देऊन 15 जानेवारी पर्यंत मागण्या समस्या सोडविण्यात आल्या नाहीतर आंदोलनाचा इशारा दिला होता.याकरिता जिल्हा परिषद अध्यक्ष माननीय पंकज रहांगडाले यांनी आज शिक्षक संघाच्या शिष्टमंडळास चर्चेकरता पाचरण केले आणि सर्व प्रलंबित मागण्या स्वतः अग्रेशित होवून पूर्ण कण्याचे शिक्षणाधिकारी महेंद्र गजभिये यांना दिले.
यामध्ये दहा वर्षापासून प्रलंबित असलेल्या प्राथमिक शिक्षकांच्या पदोन्नतीचा मार्ग मोकळा झाला आहे,महिनाभरात पूर्ण करण्याचे आदेश शिक्षणाधिकारी प्राथमिक यांना दिले. यामध्ये सेवा जेष्ठता यादीचा प्रवास अंतिम टप्प्यात आहे, त्यामुळे विस्तार अधिकारी, केंद्रप्रमुख व उच्च श्रेणी मुख्याध्यापक यांच्या पदोन्नती लवकरच करण्यात येणार आहेत.
२२१ चटोपाध्याय वेतन श्रेणीचे प्रस्ताव मंजुरीसाठी सामान्य प्रशासन विभागात सादर करण्यात आले आहेत, उर्वरित सर्व चटोपाध्याय प्रस्ताव तीस दिवसांमध्ये निघाली काढण्यात येणार आहेत. निवड श्रेणीचे प्रस्ताव अंतिम टप्प्यात असल्याने तेही लवकरच मंजुरीस्तव पाठवण्यात येणार असल्याचे शिक्षणाधिकारी यांनी सांगितले. आंतरजिल्हा बदलीने आलेल्या शिक्षकांना आठ दिवसात शासन निर्णयापर्यंत प्रमाणे कार्यवाही करण्यात येणार आहे. जिल्हा परिषद शाळांचे विद्युत देयके भरण्यासाठी ग्रामपंचायतींना आदेशित करण्यात येणार व वीज वितरण कंपनीला व्यापारी मीटर वरून घरगुती मीटर करण्यासंदर्भात लेखी पत्र देण्याचे आपल्या कार्यालयास सांगितले. चटोपाध्याय व निवड श्रेणीचे प्रस्ताव मार्गी लावण्यासाठी उपमुख्य कार्यकारी अधिकारी यांच्याशी जिल्हा परिषद अध्यक्षान्नी फोनवर चर्चा केली.
यासाठी जिल्हा परिषदेचे उपाध्यक्ष यशवंत गणवीर, गट नेता लायकराम भेंडारकर, शिक्षण समिती सदस्य शैलेश नंदेश्वर, ॲड. माधुरिताई रहांगडाले, यांनी पुढाकार घेवून प्राथमिक शिक्षकांच्या मागण्या मंजूर करण्यास महाराष्ट्र राज्य प्राथमिक शिक्षक संघाला मोलाचे सहकार्य केले याबद्दल किशोर बावनकर जिल्हाध्यक्ष महाराष्ट्र राज्य प्राथमिक शिक्षक संघ गोंदिया यांनी सर्वांचे आभार मानले.
महाराष्ट्र राज्य प्राथमिक शिक्षक संघाची शिष्टमंडळ किशोर बावनकर जिल्हाध्यक्ष यांच्या नेतृत्वात केदार गोटेफोडे विभागीय अध्यक्ष आयुब खान राज्य उपाध्यक्ष उमा शंकर पारधी राज्य उपाध्यक्ष अरविंद उके जिल्हा सरचिटणीस हेमंत पटले जिल्हा कार्याध्यक्ष गजानन रामटेके जिल्हा प्रसिद्धीप्रमुख प्रभाकर मेश्राम तालुका अध्यक्ष सुरेश वाघाडे तालुका अध्यक्ष कैलास हांडगे तालुका अध्यक्ष मोरेश्वर बडवाईक तालुका अध्यक्ष कृष्णा गभने तालुका अध्यक्ष होमेंद्र चांदेवार रत्नशिल गजभिये रोशन गराडे प्रशांत चव्हाण आदी उपस्थित होते.