सडक अर्जुनी मध्ये झाड पडून दोघांचा जागीच मृत्यू, तीन गंभीर जखमी

सडक अर्जुनी – आज दिनांक 9 जुलै रोजी सडक अर्जुनी येथील सुभाष सा मिल समोर आज सकाळी अंदाजे 8 ते 8:15 वाजे दरम्यान घडलेली दुर्घटना संपूर्ण तालुक्यासह जिल्ह्याला हादरवून गेली. मुसळधार पावसामुळे भुसभुशीत झालेली जमीन आणि कमकुवत झाडांची मुळे, यामुळे अपघात झाला.

सविस्तर असे की, आज सकाळी सुमारे 8 ते 8:15 वाजे च्या दरम्यान गोंदिया-सडक अर्जुनी मार्गावर, सुभाष सा मिल समोरच्या रस्त्याच्या कडेला उभे असलेले एक जुने आणि मोठे झाड समोरून येणाऱ्या ओमनी कारवर कोसळले. या भीषण अपघातात सडक अर्जुनीचे रहिवासी वासुदेव खेडकर वय 60 वर्षे आणि आनंदराव राऊत वय 48 यांचा जागीच मृत्यू झाला. तर एक व्यक्ती जखमी नाव ऋतिक सिघोरे वय 22 आहे . असून त्याला गोंदिया येथे रेफर करण्यात आले.

घटनेनंतर काही क्षणातच मागून येणाऱ्या ईनोव्हा कारचा संतुलन बिघडले व ती झाडावर आदळली. मात्र सुदैवाने ईनोव्हा कारमधील सर्व प्रवासी बचावले. इनोव्हा कार मधील व्यक्तींना दुखापत झाली असून त्यांना सुद्धा गोंदिया येथे हलविण्यात आले.

घटनास्थळी स्थानिकांनी तत्काळ मदतकार्य सुरू केले, पण झाड एवढे प्रचंड होते की ओमनी कारमधील दोघांना वाचवणे शक्य झाले नाही.

या दुर्घटनेनंतर नागरिकांनी रस्त्याच्या कडेला असलेली जुनी व धोकादायक झाडे त्वरित हटवण्याची मागणी प्रशासनाकडे केली आहे.