लोहिया विद्यालयात विद्यार्थी दिन साजरा

सौंदड : येथील लोहिया शिक्षण संस्था द्वारा संचालित रामेश्वरदास जमनादास लोहिया माध्यमिक व उच्च माध्यमिक विद्यालय, रामदेवबाबा अध्यापक विद्यालय, जमुनादेवी लोहिया प्राथमिक शाळा सौंदड येथे दि. 07 नोव्हेंबर 2025 रोज शुक्रवारला लोहिया शिक्षण संस्थेचे संस्थापक – संस्थाध्यक्ष मा. जगदीश लोहिया यांच्या प्रेरणेने व विद्यालयाच्या प्राचार्या मा.उमा बाच्छल यांच्या अध्यक्षतेखाली विद्यार्थी दिन साजरा करण्यात आला.

यावेळी प्राचार्य मा.गुलाबचंद चिखलोंडे , मुख्याध्यापक मा. मनोज शिंदे , पर्यवेक्षिका सौ.के.एस.काळे , जी. एस. कावळे आदी उपस्थित होते. सर्व मान्यवरांनी प्रतिमेच्या स्वरूपात असलेल्या भारतरत्न डॉ. बाबासाहेब आंबेडकर यांच्या प्रतिमेला माल्यार्पण केले.

7 नोव्हेंबर 1900 या दिवशी डॉक्टर बाबासाहेब आंबेडकर यांनी प्रताप सिंग हायस्कूल राजवाडा चौक जिल्हा सातारा या ठिकाणी प्रवेश घेतला आणि शैक्षणिक क्रांतीची आणि युगांतराची चाहूल लागली. करोडो वंचितांचे ते उद्धार करते झाले.या दिवसाचे महत्त्व विद्यालयाच्या पर्यवेक्षिका सौ के.एस.काळे यांनी सांगितले तसेच डॉक्टर बाबासाहेब आंबेडकर यांच्या जीवनाविषयी विद्यार्थ्यांना सविस्तर माहिती सांगून मार्गदर्शन केले. कार्यक्रमाला शिक्षक-शिक्षकेत्तर कर्मचारी तसेच विद्यार्थी मोठ्या संख्यने उपस्थित होते.

कार्यक्रमाचे सूत्र संचालन व आभार स. शि. यू . बी. डोये यांनी केले. कार्यक्रमाची सांगता वंदे मातरम या गीताने करण्यात आली.