लोहिया विद्यालयात बिरसा मुंडा जयंती साजरी

सौंदड : येथील लोहिया शिक्षण संस्था द्वारा संचालित रामेश्वरदास जमनादास लोहिया माध्यमिक व उच्च माध्यमिक विद्यालय, रामदेवबाबा अध्यापक विद्यालय, जमुनादेवी लोहिया प्राथमिक शाळा सौंदड येथे दि. 15 नोव्हेंबर 2025 रोज शनिवारला लोहिया शिक्षण संस्थेचे संस्थापक – संस्थाध्यक्ष मा. जगदीश लोहिया यांच्या प्रेरणेने , विद्यालयाच्या प्राचार्या मा.उमा बाच्छल यांच्या अध्यक्षतेखाली शहीद, जननायक, क्रांतिकारी,बिरसा मुंडा जयंती साजरी करण्यात आली.

यावेळी प्राचार्य मा.गुलाबचंद चिखलोंडे , मुख्याध्यापक मा. मनोज शिंदे , पर्यवेक्षिका सौ.के.एस.काळे , प्राध्यापक मा .आर. एन. अग्रवाल, जी. एस. कावळे , स.शि.डी.एस. टेंभुर्णे आदी उपस्थित होते. सर्व मान्यवरांनी प्रतिमेच्या स्वरूपात असलेल्या आदिवासी समाज क्रांतीचे जनक बिरसा मुंडा यांच्या प्रतिमेला माल्यार्पण केले.

भगवान बिरसा मुंडा यांच्या जन्मशताब्दी निमित्त दिनांक 1 ते 15 नोव्हेंबर 2025 या कालावधीत जनजाती गौरव पंधरवडा साजरा करण्यात आला. त्यात भगवान बिरसा मुंडा यांच्यावर आधारित समाजातील संस्कृती, खानपान, निबंध, वकृत्व यासारख्या विविध स्पर्धांचे आयोजन करण्यात आले. दिनांक 15 नोव्हेंबर 2025 ला भगवान बिरसा मुंडा यांच्या जयंतीच्या दिवशी जनजाती गौरव दिवस* साजरा करण्यात आला. त्यानिमित्ताने विद्यालयातील वर्ग 12वा विज्ञानच्या विद्यार्थिनींनी भगवान बिरसा मुंडा यांच्या जीवन कार्यावर आधारित पथनाट्य सादर करून जनजागृती घडवून आणली.

याप्रसंगी जमुनादेवी लोहिया शाळेच्या चुलपार मॅडम यांनी बिरसा मुंडा यांच्या जीवनाविषयी विद्यार्थ्यांना सविस्तर माहिती सांगून मार्गदर्शन केले. विद्यालयातील विद्यार्थ्यांनी गीत व भाषणातून त्यांचे जीवन चरित्रांची माहिती सांगितली. कार्यक्रमाला शिक्षक-शिक्षकेत्तर कर्मचारी तसेच विद्यार्थी मोठ्या संख्यने उपस्थित होते.

कार्यक्रमाचे सूत्र संचालन स.शि. वाय. एम.बोरकर मॅडम यांनी तर आभार स. शि. के . के.कापगते यांनी केले.