शाळेच्या पडीत जागेत ठिबक सिंचनाने मका लागवड! , शिक्षकांच्या कल्पक उपक्रमाने विद्यार्थ्यांना मिळाला प्रत्यक्ष शेतीचा अनुभव
सडक अर्जुनी MKM NEWS 24 : जिल्हा परिषद प्राथमिक शाळा, बेहळीटोला येथील दोन शिक्षकांनी शाळेच्या पडीत पडलेल्या जागेचा उत्कृष्ट वापर करून विद्यार्थ्यांसाठी एक अनोखा आणि प्रेरणादायी उपक्रम राबवला आहे.
शिक्षक संतोषकुमार परतेकी आणि जितेंद्र काशिवार यांच्या मार्गदर्शनाखाली शाळेत ठिबक सिंचन पद्धतीने मका पिकाची लागवड करण्यात आली. या उपक्रमात शाळेतील विद्यार्थ्यांनी उत्स्फूर्तपणे सहभाग घेतला. त्यांनी स्वतः मका रोपे लावणे, पाणी व्यवस्थापन, पिकाची निगा राखणे अशा सर्व कामांमध्ये सक्रिय सहभाग घेतला.
मुख्य उद्देश:
विद्यार्थ्यांना पुस्तकी ज्ञानाबरोबरच प्रत्यक्ष अनुभव देणे, पर्यावरणस्नेही शेतीचे महत्त्व समजावणे आणि श्रमप्रतिष्ठा वाढवणे हा या उपक्रमामागील मुख्य हेतू आहे. या माध्यमातून विद्यार्थ्यांमध्ये शेतीविषयी आवड निर्माण होत असल्याचे दिसून येत आहे.
शिक्षकांनी सांगितले, “या उपक्रमातून विद्यार्थ्यांना केवळ सैद्धांतिक ज्ञान नव्हे तर शाश्वत शेतीचे व्यावहारिक ज्ञान मिळत आहे. भविष्यातील कृषी क्षेत्रासाठी हा छोटासा प्रयत्न निश्चितच उपयुक्त ठरेल.”
परिसरातील इतर शाळांसाठीही हा उपक्रम प्रेरणादायी ठरला असून, शाळेच्या या कल्पक प्रयत्नाचे सर्वत्र कौतुक होत आहे.