अवैध रित्या वाळू चे उत्खनन, करून वाळू चोरी करणाऱ्यांना अटक

गोंदिया -दिनांक: 29/12/2022- पोलीस अधीक्षक गोंदिया यांचे विशेष पथकाची धडक कारवाई. बाघनदी पात्रातून अवैध रित्या वाळू चे उत्खनन, करून वाळू चोरी करणाऱ्यांना अटक, गुन्हा नोंद, तीन ट्रॅक्टर ट्रॉली सह, एक ब्रास रेती असा किंमती 15 लाख 4 हजार रुपयाचा मुद्देमाल जप्त.

या बाबत थोडक्यात हकीकत अशी की, गोंदिया जिल्ह्यातील सर्व पोलीस ठाणे हद्दीत अवैधरीत्या चालणारे सर्व प्रकारचे अवैध व बेकायदेशीर धंदे करणाऱ्यांवर कारवाई करण्याचे तसेच , जिल्ह्यातील अवैध धंद्याचे समुळ उच्चाटन व आळा घालण्याकरीता पोलीस अधीक्षक, गोंदिया श्री. निखिल पिंगळे यांनी विशेष पथकास या बाबत निर्देश देवून आदेशित केले होते.

या अनुषंगाने पोलीस अधीक्षक, गोंदिया श्री. निखिल पिंगळे, अपर पोलीस अधीक्षक, गोंदिया, कॅम्प देवरी श्री. अशोक बनकर, यांचे उपरोक्त निर्देश, आदेशानुसार उपविभागीय पोलीस अधिकारी, देवरी श्री. संकेत देवळेकर यांचे नेतृत्वात व मार्गदर्शनाखाली विशेष पोलीस पथकाची अवैध धंद्याविरुद्ध विशेष धाड मोहीम राबविण्यात येत आहे.

त्या अनुषंगाने विशेष पोलीस पथकाने दिनांक- 28/12/2022 रोजी दुपारी पोलीस ठाणे आमगाव हद्दीतील मारबद घाट, बाघनदी च्या पात्रातून काही लोक अवैधरित्या विना परवाना वाळू चे उत्खनन करून वाळू ची चोरी करीत आहेत अशा खात्रीशीर माहितीच्या आधारे पदमपुर येथे व मारबद घाट, बाघ नदीपात्र परिसरात छापा कारवाई केली असता

१) एक स्वराज कंपनीचा निळया लाल रंगाचा ट्रॅक्टर क्रमांक MH 35/G-6888, ट्रॉली क्र.MH35/AR-3867 अंदाजे किंमती किं.5 लाख रू व ट्रॉलीमध्ये अंदाजे एक ब्रास रेती* किं.4 हजार रुपये

२) एक स्वराज कंपनीचा निळया रंगाचा ट्रॅक्टर क्रमांक MH- 35/G-7744, ट्रॉली क्र. MH-35/AG – 5180 अंदाजे किं.5 लाख रू

३) एक महिंद्रा कंपनीचा लाल रंगाचा विना क्रमांकाचा ट्रॅक्टर अंदा. किं.5 लाख रू

असे एकूण तीन ट्रॅक्टर चे चालक आरोपी नामे –
———————————-

1) विनेश प्यारेलाल ब्रम्हईया वय 26 वर्ष रा. गणेशपुर ता. आमगाव जि. गोंदिया,

2) सतिश कुंजीलाल बागडे, वय 35 वर्षे रा. पदमपुर, ता. आमगाव, जि. गोंदिया,

3) सुभम ज्ञानेश्वर बागडे वय 25 वर्षे रा. पदमपुर, ता. आमगाव

यांचे ताब्यात अवैध रित्या वाळूचे उत्खनन करून, गौण खनिज वाळू ची चोरी करून वाहतूक करतांना व नदीपात्रात वाळू भरतांना मिळून आल्याने तिन ट्रॅक्टर, किंमती 15 लाख रू व एक ब्रास वाळू किमती 4000/- रू. असा एकूण किंमती 15 लाख 4 हजार रूपयाचा मुद्देमाल हस्तगत करून जप्त करण्यात आले.

सदर प्रकरणी ट्रॅक्टर चालक आरोपी क्र.1 ते 3 यांचेविरुद्ध पो. स्टे.आमगाव येथे कलम 379, 34 भारतिय दंड संहिता अन्वये गुन्हा दाखल करण्यात आलेला आहे . आरोपी यांना गुन्ह्यात अटक करण्यात आलेली असून आमगाव पोलीस यांचे स्वाधीन करण्यात आले आहे. गुन्ह्याचा पुढील तपास आमगाव पोलीस करीत आहेत.

सदर ची कारवाई वरिष्ठांचे आदेशान्वये उपविभागीय पोलीस अधिकारी देवरी श्री. संकेत देवळेकर यांचे नेतृत्वात विशेष पोलीस पथकामधील पोलीस अंमलदार पो.हवा. सुजित हलमारे, पो.हवा. महेश मेहर, पो.ना. शैलेषकुमार निनावे, पो. शि. सन्नी चौरसिया, दया घरत, चा.पो.शि. हरिकृष्णा राव यांनी केलेली आहे.