गंगाबाई बडोले इन्स्टिट्यूट ऑफ सायन्स व भाऊसाहेब बोरा मतिमंद निवासी विद्यालय, सावरी येथे स्वातंत्र्य दिनानिमित्त वृक्षारोपण

सावरी प्रतिनिधी : स्वातंत्र्य दिनाचे औचित्य साधून गंगाबाई बडोले इन्स्टिट्यूट ऑफ सायन्स व भाऊसाहेब बोरा मतिमंद निवासी विद्यालय, सावरी येथे स्वातंत्र्य दिन मोठ्या उत्साहात व देशभक्तीमय वातावरणात साजरा करण्यात आला. यावेळी वृक्षारोपणाचा उपक्रम राबवून पर्यावरण संवर्धनाचा संदेश देण्यात आला.

कार्यक्रमाचे ध्वजारोहण माननीय श्री. प्रशांतजी शहारे, सचिव, योगेश्वर बहुउद्देशीय शिक्षण संस्था, नागपूर यांच्या हस्ते करण्यात आले. यावेळी माननीय श्री. भारतजी शहारे, कोषाध्यक्ष, जन उत्थान संस्था, देवरी, माननीय श्रीमती वैशाली वैद्य, मुख्याध्यापिका, भाऊसाहेब बोरा मतिमंद निवासी विद्यालय तसेच माननीय श्री. अर्जुनजी पटले, क्रीडा शिक्षक, भाऊसाहेब बोरा मतिमंद निवासी विद्यालय, सावरी यांची प्रमुख उपस्थिती होती.

ध्वजारोहणानंतर राष्ट्रगीताने कार्यक्रमाची सुरुवात झाली. उपस्थित मान्यवरांनी विद्यार्थ्यांना स्वातंत्र्य दिनाचे महत्त्व सांगत देशप्रेम, राष्ट्रीय एकता आणि सामाजिक बांधिलकीची भावना जपण्याचे आवाहन केले.

विशेष म्हणजे, आयोजित सांस्कृतिक कार्यक्रमांमध्ये विशेष दिव्यांग विद्यार्थ्यांनी उत्स्फूर्त सहभाग नोंदवत विविध कला सादर केल्या. विद्यार्थ्यांच्या या सहभागामुळे कार्यक्रमाला विशेष भावनिक व प्रेरणादायी स्वरूप प्राप्त झाले. त्यांच्या कलागुणांचे उपस्थित मान्यवरांनी कौतुक करत त्यांना प्रोत्साहन दिले.

वृक्षारोपणातून पर्यावरण संवर्धनाचा संदेश

स्वातंत्र्य दिनाचे औचित्य साधून विद्यालय परिसरात वृक्षारोपण करण्यात आले. पर्यावरणाचे संरक्षण व संवर्धन ही प्रत्येकाची जबाबदारी असून, केवळ वृक्षांची लागवड न करता लावलेल्या रोपांचे नियमित संगोपन करणेही गरजेचे असल्याचा संदेश यावेळी देण्यात आला.

वृक्षारोपणाच्या माध्यमातून विद्यार्थ्यांमध्ये पर्यावरणाविषयी जागरूकता निर्माण करण्याचा प्रयत्न करण्यात आला. प्रत्येकाने वृक्षसंवर्धनाची जबाबदारी स्वीकारावी, असे आवाहन उपस्थित मान्यवरांनी केले.

कार्यक्रमाला श्री. मनीष साखरे, श्री. दिलीप तासलवार, श्री. कुणाल बडोले, श्री. महेश ठवरे, श्री. अरविंद मेश्राम, श्री. संतोष गावंडे श्री. अविनाश गजभिये कु. काजल रंगारी, कु. शालिनी रामटेके, श्रीमती सरिता मेश्राम, श्रीमती सुनीता रामटेके आदी उपस्थित होते. तसेच शिक्षक, विद्यार्थी आणि संस्थेतील कर्मचारी मोठ्या संख्येने सहभागी झाले होते.

देशभक्तीचा उत्साह, विद्यार्थ्यांचा उत्स्फूर्त सहभाग आणि पर्यावरण संवर्धनाचा संदेश देत गंगाबाई बडोले इन्स्टिट्यूट ऑफ सायन्स व भाऊसाहेब बोरा मतिमंद निवासी विद्यालय, सावरी  येथे स्वातंत्र्य दिनाचा कार्यक्रम व वृक्षारोपण उपक्रम उत्साहात आणि यशस्वीपणे पार पडला.