वाळू तस्करांचे धाबे दणाणले, रेंगेपार गावातून अवैध वाळू चोरी कराल तर ग्राम पंचायत करेल कारवाही! एकमताने ठराव मंजूर!

सडक अर्जुनी – सौंदड ग्रामपंचायत कार्यालयाकडून मागील काही महीन्यापुर्वी वाळू माफियांवर कार्यवाही केली होती. त्यानंतर आता रेंगेपार/दल्ली येथील ग्रामपंचायत कार्यालयसह गावातील जेष्ठ नागरीक समोर आले आहेत. सूत्राने दिलेल्या माहिती अनुसार, विषेश म्हणजे 14/08/2024 ला ग्रामपंचाय कार्यालय मध्ये ग्रामसभा होती. त्या मध्ये वाळू तस्करी वर नियंत्रण घालण्यासाठी गावातील नागरीकांनी अर्ज सादर केले असता सरपंच वनिताताई कोरे यांनी लगेच गावकऱ्यांच्या अर्जावर विचार करून रेंगेपार हया गावातून कुठल्याही प्रकारची विना परवाना वाळू तस्करी करता येणार नाही हा ठहराव पास केला .

दिनांक 19/08/24 ला गाकऱ्यांची विषेश मिटिंग घेऊन गावातील सर्व पदाधीकारी यांच्या समक्ष वाळू तस्कर वर देखरेख कोणत्या प्रकारे ठेवणे व त्याच्यावर कार्यवाही कोणत्या प्रकारे करणे याचे नियोजन करण्यात आले आहे. तालुक्या मध्ये वाळू तस्कर नियंत्रण करण्यास समोर येणारा रेंगेपार/दल्ली हा दुसऱ्या क्रमांकाचा गाव ठरलेला आहे.

ठहरावाची प्रतिलीपी तहसीलदार, पोलीस स्टेशन डुग्गीपार व फॉरेस्ट ऑफिस कोहमारा यांच्याकडे पाठविण्यासाठी तयार केलेली याच्या मध्ये ग्रामसभेत विषेश समिती तयार करून एकूण वेगवेगळ्या वार्डामधुन एकूण 35 सदस्यांची नेमणुक केली असून यामध्ये सरपंच- वनिताताई कोरे, तलाठी- काळे मॅडम, फॉरेस्ट चे प्रिया कान्हेकर, पोलीस पाटिल उमेद्र मेश्राम, उपसरपंच- नरेश मौजे, त.मु.स. अध्यक्ष घनश्यामजी कापगते सह जेष्ठ नागरिकांमध्ये कैलास डोंगवार, नरेंद्र डोंगरवार, हंसराज काठाणे व इतर नागरीकांचा समावेश आहे. गावक-यांच्या माहीती नुसार वाळू माफियांचे धाबे दनानले असे गावकऱ्यांचे म्हणणे आहे.