लोहिया विद्यालयात संत ज्ञानेश्वर समाधी सोहळा व ज्योतिबा फुले यांची पुण्यतिथी साजरी

सौंदड : येथील लोहिया शिक्षण संस्था द्वारा संचालित रामेश्वरदास जमनादास लोहिया माध्यमिक व उच्च माध्यमिक विद्यालय, रामदेवबाबा अध्यापक विद्यालय, जमुनादेवी लोहिया प्राथमिक शाळा सौंदड यांच्या संयुक्त विद्यमाने विद्यालयात दि. २८ नोव्हेंबर २०२४ ला लोहिया शिक्षण संस्थेचे संस्थापक – संस्थाध्यक्ष मा. जगदीश लोहिया यांच्या प्रेरणेने व लो. शि. संस्थेचे सहसचिव मा.एम .एन. अग्रवाल यांच्या अध्यक्षतेखाली संत ज्ञानेश्वर माऊली समाधी सोहळा व महात्मा ज्योतिबा फुले यांची पुण्यतिथी साजरी करण्यात आली.

यावेळी कार्यक्रमाला प्रमुख अतिथी म्हणून प्राचार्य मा.उमा बाच्छल , मा. गुलाबचंद चिखलोंडे ,मुख्याध्यापक मा. मनोज शिंदे, पर्यवेक्षक मा.डी.एस.टेंभुर्णे, प्राध्यापक श्री आर. एन. अग्रवाल, श्रीमती के.एस.काळे यांनी संत ज्ञानेश्वर माऊली व महात्मा फुले यांच्या प्रतिमेचे पूजन करून पुष्पहार अर्पण केले. विद्यालयातील सहाय्यक शिक्षिका के. एस. काळे यांनी संत ज्ञानेश्वर माऊली व महात्मा ज्योतिबा फुले यांच्या जीवन कार्याची सविस्तर माहिती दिली.तसेच विद्यालयातील वर्ग अकरावी विज्ञान ची नेहा तुरकर या विद्यार्थिनीने संत ज्ञानेश्वर माऊलींच्या ओव्या गायल्या.

यावेळी कार्यक्रमाला विद्यालयातील शिक्षक-शिक्षकेत्तर कर्मचारी तसेच विद्यार्थी मोठ्या संख्यने उपस्थित होते.

कार्यक्रमाचे सूत्र संचालन स. शि. यु. बी. डोये यांनी केले तर आभार आर.आर.मोहतुरे सर यांनी मानले.