आमदार राजकुमार बडोले यांनी केली अवकाळी पावसामुळे झालेल्या नुकसानग्रस्त भागाची पाहणी!!
सडक अर्जुनी – तालुक्यातील राका, चिखली, मनेरी, कोकणा व खोबा गावांमध्ये अवकाळी पाऊस व वादळामुळे धान पिकांचे आणि घरांचे मोठ्या प्रमाणात नुकसान झाल्याची वार्ता प्राप्त होताच आज या गावांचा दौरा करून अर्जुनी मोर विधानसभा क्षेत्राचे आमदार राजकुमार बडोले यांनी नुकसानग्रस्त भागाची पाहणी केली. आणि शेतकरी व नागरिकांशी संवाद साधत धीर दिला. यावेळी संबंधित अधिकाऱ्यांना तातडीने पंचनामे करण्याचे आदेश दिले आणि शासनाकडून मदतीसाठी लवकरात लवकर प्रयत्न करण्यार असल्याचे आश्वासन दिले.
या पाहणी दौऱ्यात जिल्हा परिषद सदस्या कविता रंगारी, पंचायत समिती माजी उपसभापती शालिंदर कापगते, पंचायत समिती सदस्य शिवाजी गहाणे, पंचायत समिती सदस्या सपना नाईक, किशोर बावनकर, ईश्वर कोरे, प्रल्हाद वरठे, ग्रा.प. राका उपसरपंच मधुसूदन दोनोडे, चिखली सरपंच चित्रा भेंडारकर, ग्रा.प. कनेरी सरपंच ज्योती पाऊलझगडे, ग्रा.प. कोकणा सरपंच अमर रोकडे, डिलेश सोनटक्के, दिपक गहाणे, माधोराव वाढई, विवेक भेंडारकर, सुधीर शिवणकर, अनिल बोरकर, मधुकर मेंढे आदी पदाधिकारी, ग्रामस्थ व शेतकरी उपस्थित होते.
प्रशासनाच्या वतीने तहसिलदार इंद्रायणी गोमासे, तालुका कृषी अधिकारी लिलाधर पाठक, संबंधित मंडळ अधिकारी, तलाठी, कृषी सहाय्यक आणि कर्मचारी देखील उपस्थित होते.