महसूल कर्मचाऱ्यांचा बेमुदत संप!, २१ एप्रिलपासून कामबंद,

प्रलंबित मागण्यांकडे शासनाचे लक्ष वेधण्यासाठी महाराष्ट्र  राज्य महसूल कर्मचारी संघटना सडक अर्जुनी द्वारे पुकारलेल्या राज्यव्यापी संपाचे पडसाद सडक अर्जुनी तालुक्यात उमटले आहेत.  सडक अर्जुनी तहसील कार्यालयातील कर्मचाऱ्यांनी काल मंगळवार (दि. 21) पासून बेमुदत संपावर बसले आहेत.

सडक अर्जुनी/गोंदिया : जिल्ह्यातील महसूल तसेच राज्य सरकारी कर्मचाऱ्यांनी विविध प्रलंबित मागण्यांसाठी २१ एप्रिलपासून बेमुदत संपावर  आहेत. राज्य सरकारी कर्मचारी मध्यवर्ती संघटना, महाराष्ट्र तसेच जिल्हा परिषद कर्मचारी महासंघ, गोंदिया यांच्या संयुक्त विद्यमाने हा संप पुकारण्यात आला आहे.

तसेच, १०, २० व ३० वर्षांच्या सेवेनंतर लाभ मिळणे, शिक्षक व शिक्षकेतर कर्मचाऱ्यांच्या सेवासंबंधी प्रश्न सोडविणे, आरोग्य योजना लागू करणे, तसेच कर्मचाऱ्यांवरील अन्यायकारक कारवाई थांबविणे या मुद्द्यांवरही शासनाने त्वरित निर्णय घ्यावा, असे संघटनांनी नमूद केले आहे.

संघटनांच्या पदाधिकाऱ्यांनी इशारा दिला आहे की,

“शासनाने मागण्यांकडे दुर्लक्ष केल्यास २१ एप्रिलपासून बेमुदत संप छेडला गेला आहे आणि त्याची सर्वस्वी जबाबदारी शासनाची राहील.”

या संपामुळे महसूल विभागासह इतर शासकीय कार्यालयांच्या कामकाजावर परिणाम होण्याची शक्यता असून, नागरिकांना विविध सेवांसाठी अडचणींचा सामना करावा लागत आहे.