निकृष्ट दर्जाच्या नाली बांधकामाविरोधात नागरिकांचा संताप ; नगर पंचायत सडक अर्जुनी वॉर्ड क्रमांक ५ मधील कामावर प्रश्नचिन्ह; नगरपंचायतीकडे लेखी तक्रार

सडक अर्जुनी : नगर पंचायत सडक अर्जुनी येथे जनसुविधे करिता लाखो करोडो रुपये निधी शासन खर्च करीत असते. उत्तम दर्जेदार रोड, नाली, आणि इतर सुविधा उपलब्ध ह्वावी याकरिता शासन कटिबद्ध असते. परंतु फक्त नगर पंचायत चा माल सुताव अभियान सध्या नगर पंचायत सडक अर्जुनी येथे धूम धडाक्यात सुरू असल्याचे दिसत आहे.

सविस्तर असे की, वॉर्ड क्रमांक ५ येथील रहिवाशी रंजना संजय रोकडे यांच्या लेखी तक्रार अनुसार , नाली बांधकामात निकृष्ट साहित्याचा वापर करण्यात आला असून नालीचे ढक्कन हे काही कालावधीतच फुटले असून नाली ओपन झाली आहे. रोड च्या मधोमध मोठा खड्डा पडून काही नागरिक त्या खड्ड्यात पडले असून गंभीर दुखापत सुद्धा झाली असल्याचे सांगितले जाते. मुख्य म्हणजे रोकडे यांनी सांगितले की, सदर कामाचा कुठलाही माहिती फलक लावण्यात आले नाही. त्यामुळे नागरिकांमध्ये संब्रह निर्माण होते की कामे कोणत्या वार्डाची आहेत. त्यांनी ६ प्रभागाच्या नगरसेवक यांना संपर्क केला त्यांनी सांगितले माझा वॉर्ड नाही तो ५ नंबर वॉर्ड आहे. त्यांनी ५ नंबर च्या वॉर्ड मेंबर ला संपर्क करून प्रकरण सांगितले त्यांनी बघतो असे म्हणाले. वॉर्ड मेंबर कोणीही असो कामे नगरपंचायत हद्दीत आहेत. नगरपंचायत ने जातीने लक्ष द्यायला पाहिजे.

मुख्य म्हणजे जागोजागी नालीचे ढक्कन तुटले असून रोड मध्ये पडलेल्या खड्ड्यांमुळे  भविष्यात सुद्धा अपघात होण्याची दाट शक्यता आहे. प्राप्त माहिती नुसार सदर नाली बांधकाम गोंदिया येथील कंत्राटदार नीरज अग्रवाल यांनी केले असून सार्वजनिक बांधकाम विभाग सावंगी कार्यालय यांच्या मार्फत हे निकृष्ट दर्जाचे कामे केले आहेत. नाली चे धक्कन हे कित्येक ठिकाणी फुटलेले आहेत.

स्थानिक रहिवाशांनी सांगितले की, पावसाळा तोंडावर असताना दर्जाहीन नाली बांधकामामुळे भविष्यात मोठ्या प्रमाणात पाणी साचण्याची समस्या निर्माण होऊ शकते. शासनाचा निधी खर्च करूनही निकृष्ट काम होत असल्याने संबंधित ठेकेदार व अधिकाऱ्यांवर कारवाई करण्यात यावी, अशी मागणी नागरिकांनी केली आहे.

दरम्यान, या प्रकरणामुळे वॉर्ड क्रमांक ५ मध्ये संतापाचे वातावरण निर्माण झाले असून, प्रशासनाने लवकरात लवकर कारवाई न केल्यास आंदोलनाचा इशाराही नागरिकांकडून देण्यात आला आहे.

 

” सदर नाली बांधकाम १० लक्ष रुपयाचा आहे. कार्यालय मार्फत संबंधित कंत्राटदार याला सूचना दिल्या आहेत आणि आणखी पत्र देवून जलद गतीने तुटलेली नाली आणि रोड दुरुस्त करण्यात येहील.”

जे.ई.आयशा डांगे.

PWD कार्यालय सावंगी.